فاف ڈپلوسی ورلڈ الیون ٹیم کی قیادت کریں گے

آئندہ ماہ پاکستان آنے والی ورلڈ الیون کرکٹ ٹیم کی قیادت جنوبی افریقا کے کپتان فاف ڈپلوسی کریں گے۔

ذرائع نے تصدیق کی ہے کہ فاف ڈپلوسی کی قیادت میں ورلڈ الیون کی ٹیم لاہور میں تین ٹی ٹوئنٹی میچز کھیلے گی۔

ورلڈ الیون کے کوچ اینڈی فلاور کھلاڑیوں کو پاکستان لانے کے لئے سرگرم ہیں اور انہی کی کوششوں کی بدولت کئی انٹرنیشنل کرکٹرز نے دورہ پاکستان کے لئے حامی بھری۔

سری لنکا، ویسٹ انڈیز اور ورلڈ الیون کا دورہ پاکستان کا اعلان

ورلڈ الیون ستمبر، سری لنکا اکتوبر اور ویسٹ انڈیز کی ٹیم نومبر میں پاکستان آئے گی، چیرمین پی سی بی

اب اطلاعات ہیں کہ فاف ڈپلوسی ورلڈ الیون ٹیم کی قیادت کریں گے جب کہ ذرائع کا کہنا ہے کہ آسٹریلوی کرکٹ ٹیم کے سابق کپتان جارج بیلی نے بھی پاکستان آنے پر رضا مندی کا اظہار کیا ہے اور امکان ظاہر کیا جارہا ہے کہ وہ بھی ورلڈ الیون اسکواڈ کا حصہ ہوں گے۔

ذرائع کا کہنا ہے کہ جنوبی افریقا کے ہاشم آملہ، نیوزی لینڈ کے جیمی نیشام اور انگلینڈ کے سابق کپتان پال کولنگ وڈ بھی پاکستان کا دورہ کرنے والوں میں شامل ہوں گے۔

ورلڈ الیون ٹیم کے لئے جنوبی افریقا، سری لنکا، بنگلادیش اور زمبابوے کی ٹیموں سے بھی کھلاڑیوں کے شامل ہونے کا امکان ہے۔

ذرائع کا کہنا ہے کہ ورلڈ الیون ٹیم کے کوچ اینڈی فلاور کی جانب سے جمعہ کو حتمی کھلاڑیوں کے ناموں کا اعلان متوقع ہے۔ 

نیوزی لینڈ کے جیمی نیشم کا نام بھی ورلڈ الیون ٹیم میں شامل

جیمی نیشم کو دورہ پاکستان کے لیے ایک لاکھ ڈالر کی پیشکش کی گئی ہے۔

ورلڈ الیون کے دورہ پاکستان سے کرکٹ کو فروغ ملے گا، وقار یونس

انٹرنیشنل کرکٹ کو پاکستان میں لانے کے لئے مزید ایونٹ جیتنا ہوں گے، سابق فاسٹ بولر