کراچی......متحدہ قومی موومنٹ کی رابطہ کمیٹی نے مطالبہ کیاہے کہ ایمپلائیز اولڈایج بینفٹ انسٹی ٹیویشن(EOBI)کے تحت غریب محنت کشوںکو پنشن میں وفاقی حکومت کے اعلان کے مطابق اضافہ کیاجائے۔ایک بیان میںرابطہ کمیٹی نے وفاقی حکومت کی جانب سے ریٹائرڈمحنت کشوںکی پنشن بڑھاکر6000روپے کرنے کے باوجودریٹائرڈبزرگ مزدوروںکو پنشن کی مد میںمبلغ 3600روپے ہی ادا کیے جارہے ہیںجوان محنت کشوںکے ساتھ سراسرزیادتی اورناانصافی ہے۔رابطہ کمیٹی نے کہاکہ محنت کشوںکی پنشن کے سلسلے میںوفاقی بجٹ میںوفاقی وزیرخزانہ اسحاق ڈارنے غریب مزدوروںکی پنشن بڑھاکر6000روپے کرنے کااعلان کیاتھاجبکہ اس سلسلے میں18،اگست 2014ء کوای اوبی آئی کی گورننگ باڈی کی میٹنگ میںبھی اس کومنظوری کے بعدحتمی شکل دی گئی تھی جس پرعمل درآمدنہیںکیاجارہاہے اورنہ ہی کوئی اس میںدلچسپی لے رہاہے جس کے باعث غریب ریٹائرڈمحنت کشوںمیںشدیدبے چینی اورمایوسی پائی جارہی ہے اوروہ اپنے حق کے حصول کے لئے ای اوبی آئی کے دفترکے چکرلگارہے ہیں۔رابطہ کمیٹی نے وفاقی وصوبائی حکومتوںسے مطالبہ کیاکہ اعلان کے مطابق ریٹائرڈمحنت کشوںکی پنشن 6000روپے کی جائے ،انہیںواجبات کے ساتھ پنشن کی ادائیگی یقینی بنائی جائے اورغریب محنت کشوںکوپنشن میںرکاوٹ ڈالنے والوںکے خلاف سخت ترین کارروائی عمل میںلائی جائے۔