21 فروری ، 2015 
کرائسٹ چرچ: پاکستان کی پانچویں وکٹ 25 رنز پر گرگئی
21 فروری ، 2015
کرائسٹ چرچ........ پاکستان کی کرکٹ ٹیم ابتدائی اوور زمیں ہی سخت مشکلات سے دوچار ہے ،قومی ٹیم کے 5 اہم کھلاڑی صرف 25 رنز پرپویلین لوٹ گئے ہیں۔پانچویں وکٹ مصباح الحق کی گری جنہوںنے اب تک سب سے زیادہ7 رنز اسکور کیے ہیں۔اس طرح پاکستان کی ٹاپ آرڈر بری بیٹنگ طرح ناکام ہوچکی ہے۔ اور ویسٹ انڈیز کی جانب سے دیا جانے والا 311 رنز کا ہدف پہاڑ جیسا نظر آرہا ہے۔پاکستان کی پہلی وکٹ اوپنر ناصر جمشیدکی گری اور اس کے بعد پاکستان کرکٹ ٹیم کے انتہائی تجربہ کار کھلاڑی یونس خان کھیلنے آئے اور بغیر کوئی رنز بنائے آؤٹ ہوگئے۔ پھرحارث کھیلنے آئے وہ بھی کوئی رن بنائے بغیر چلے گئے اور اس کے بعد احمدشہزادجنہوںنے ایک رن بنایا تھا آؤٹ ہوگئے۔اور اس کے بعد قومی کرکٹ ٹیم کے کپتان مصباح الحق آئے جو صرف 7 رنز بناکر پویلین کو لوٹ گئے۔ اس طرح صرف 25رنز پر پاکستان کی 5 وکٹیں گرگئی ہیں۔ اس طرح کالی آندھی نے گرین شرٹس کو اڑا کر رکھ دیا ہے۔
