03 مئی ، 2012 
آئی پی ایل:ممبئی انڈینز نے پونا وارئیر کو ایک رنز سے ہرادیا
03 مئی ، 2012
پونا…انڈین پریمیئر لیگ کے جمعرات کوہونے والے واحد میچ میں ممبئی انڈینز نے سنسنی خیز مقابلے کے بعد پونا وارئیرز کو ایک رنز سے ہرادیا۔مغربی بھارت کے شہر پونا کے سبراتا رائے سہارا اسٹیڈیم میں ہو نے والے میچ کا ٹاس ممبئی کے کپتان ہربھجن سنگھ نے جیتا اور پہلے بیٹنگ کرتے ہوئے اپنے مقررہ بیس اوورز میں نو وکٹوں کے نقصان پر 120رنز کا مجموعہ ترتیب دیا۔جس میں سچن ٹنڈولکر 34،جیمز فرینکلن 25اور دنیش کارتک18ناٹ آؤٹ قابل ذکر تھے۔پونا کی جانب سے بھونیشور کماراور اشیش نہڑا نے دو وکٹیں حاصل کیں۔جواب میں پونا وارئیرز نے اپنے مقررہ بیس اوورز میں چھ وکٹیں کھوکر 119رنز بناسکی اس طرح اسے ایک رنز سے شکست ہوئی۔میچ کی آخری گیند پر پونا کو چار رنز درکار تھے تاہم وہ دو ہی رنز بناسکے۔ممبئی کی جانب سے کپتان ہر بھجن اور لسیتھ مالنگا نے دو دو وکٹیں لیں۔یہ میچ پونا سے براہ راست جیو سوپر پر دکھایا گیا۔
مزید خبریں :
ویرات کوہلی نے سنچریوں کی سنچری بناکر اہم سنگ میل عبور کر لیا
24 نومبر ، 2024
