لندن.......ایم کیو ایم کے قائد الطاف حسین نے’’ یوم قرارداد پاکستان‘‘ کے موقع پرتمام پاکستانیوں کو دلی مبارک باد پیش کی ہے ۔اپنے خصوصی پیغا م میں الطاف حسین نے کہا کہ آج پاکستان کو مختلف سمتوں سے اندرونی و بیرونی خطرات کا سامنا ہے ایسے میں اشد ضرورت ہے کہ پاکستان میں قرار داد پاکستان کی اصل روح کے مطابق ایک جمہوری و متوازن معاشرے کا قیام عمل میں لایا جائے اور ملک میں بسنے والے تمام افراد کو بلا امتیاز انکے حقوق فراہم کئے جائیں ، ایم کیو ایم پاکستان میں پر امن و آزاد خیال معاشرے کی خواہ ہے جہاں ہر مذہب ، زبان، عقیدے ، مسلک کے ماننے والے کو اپنی مرضی سے زندگی گزارنے کی آزادی ہو اور سب ایک دوسرے کا احترام کریں ۔ الطاف حسین نے کہا کہ موجود ہ حالات میں نوجوان نسل کو چاہئے کہ وہ قرارداد پاکستان کی اصل روح کا مطالعہ کرکے پاکستان میں پر امن معاشرے کی تعمیر میں اپنا کردار ادا کریں تاکہ ملک کو دنیا میں روشن خیال و ترقی یافتہ ممالک کی صفوں میں کھڑا کیا جاسکے۔دریں اثنا الطاف حسین نے محبان پاکستان مڈل ایسٹ اوورسیز کے تمام یونٹوں کے ذمہ داران سے اپیل کی ہے کہ وہ اپنے اپنے نام ، یونٹ ،پتہ اوررابطہ نمبرز کی تفصیل تین دن کے اندراندر تحریری طور پر ایم کیوایم انٹرنیشنل سیکریٹریٹ لندن فیکس کردیں۔ ایم کیوایم انٹرنیشنل سیکریٹریٹ لندن کے فون اور فیکس نمبر ز درج ذیل ہیں۔فون نمبر00 44 20 8905 7300 … فیکس نمبر00 44 20 89529282 ۔ الطاف حسین نے کہاکہ محبان پاکستان کے تمام یونٹوں کے ذمہ داران اپنے کوائف [email protected] پر ای میل بھی کرسکتے ہیں۔