18 اپریل ، 2015 
پاک چین اقتصادی راہداری ، اے آئی آئی بی کے فنڈ استعمال نہیں ہونگے:چین
18 اپریل ، 2015
بیجنگ......چین کا کہنا ہے کہ پاک چین اقتصادی راہداری کے مختلف منصوبوں کیلئے ایشین انفرااسٹرکچر انویسٹمنٹ بینک کے فنڈ استعمال نہیں کیے جائیں گے بلکہ اس منصوبے کیلئے دونوں ممالک باہمی طور پر رقم کا انتظام کرینگے ۔ غِیر ملکی میڈیا سے بات کرتے ہوئے چینی نائب وزیر خارجہ لیو جِن چاو کا کہنا تھا کہ پاک چین اقتصادی راہد اری منصوبے کیلئے نہ تو ایشین انفراسٹرکچر انویسٹمنٹ بینک اور نہ ہی سلک روڈ فنڈ استعمال کیا جائے گا ۔ ان کا کہنا تھا کہ اس 45 ارب ڈالر کے مختلف منصوبوں کیلئے دونوں ممالک کی جانب سے مشترکہ طور پر سرمایہ کاری کی جائے گی جس کیلئے دیگر ذرائع زیر غور ہیں ۔انہوں نے مزید کہا کہ اس منصوبے کیلئے خطیر رقم درکار ہے جس کیلئے چین پاکستان کی مالی معاونت کریگا۔ اس حوالے سےمزید تفصیلات چینی صدر کے دورہ پاکستان کے دوران منظر عام پر لائی جائیں گی۔
مزید خبریں :
پنجاب حکومت نے زرعی آمدن پر ٹیکس میں اضافہ کردیا
21 جون ، 2025
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
