کراچی.......متحدہ قومی موومنٹ کی رابطہ کمیٹی نے پولیس اور دیگر قانون نافذ کرنیوالے اداروں کی جانب سے لیاقت آبادکے علاقے غریب آبادمیں بڑے پیمانے پر چھاپوںاورایم کیوایم کے کارکنوں اورہمدردوں کی گرفتاریوںکی شدیدمذمت کی ہے، ایک بیان میں رابطہ کمیٹی نے کہا کہ گزشتہ ہفتہ لیاقت آباد سیکٹر کے کارکن خرم کومسلح دہشت گردوں نے فائرنگ کرکے شہیدکیاجبکہ اورنگی ٹاؤن میںکارکن محمدعلی کوشہیدکردیاگیا لیکن انکے قاتلوں کو گرفتار نہیں کیاگیا بلکہ الٹاروزانہ ایم کیوایم کے کارکنوں کوگرفتارکیاجارہاہے۔ آج علی الصبح بھی لیاقت آبادکے علاقے غریب آبادمیں پولیس ورینجرزنے پورے علاقے کامحاصرہ کرکے کئی کارکنوں اورہمدردوں کوگرفتارکرلیاجن میں یونٹ 158کے کارکنان شفیق صدیقی ، زاہد اقبال ، ندیم عظیم ، شہزاد مرزا، افضال مہر دین ، محمد صغیر ،محمد وسیم اور محمد شوکت کوگرفتارکرلیا۔ رابطہ کمیٹی نے کہا کہ یونٹ158کے کارکن رئیس گھرپرنہ ملے توسرکاری اہلکاروں نے انکے 13سالہ صاحبزادے محسن کوگرفتارکرلیاجبکہ اسی یونٹ کے ضعیف العمر ہمدرد70سالہ قمر الدین اور ہمدرد کمال کوبھی گرفتارکرلیا ۔رابطہ کمیٹی نے کہاکہ بے گناہ کارکنوںاورہمدردوں کی ان اندھادھندگرفتاریوں اورچھاپوں سے صاف ظاہرہے کہ آپریشن کی آڑمیں ایم کیوایم کونشانہ بنانے کے ساتھ کارکنوںکوجھوٹے مقدمات میںملوث کیاجارہاہے۔رابطہ کمیٹی نے مطالبہ کیاکہ بستیوں کے محاصروں اورایم کیوایم کے بے گناہ کارکنان ، ہمدردوں کی گرفتاریوں کا سلسلہ بندکیاجائے اورگرفتارشدگان کو فی الفوررہاکیاجائے۔