لندن.......متحدہ قومی موومنٹ کے قائدالطاف حسین نے کوئٹہ کے باچاخان چوک پر فائرنگ کے واقعہ کی سخت ترین الفاظ میں مذمت کرتے ہوئے فائرنگ کے نتیجے میں ہزارہ برادری کے متعددافرادکے جاں بحق ہونے پر گہرے دکھ اور افسوس کااظہار کیا ہے ۔ایک بیان میں الطاف حسین نے کہاکہ شہریوں کی جان ومال کا تحفظ یقینی بنانا حکومت کی بنیادی ذمہ داری ہے اور صوبہ بلوچستان میں بے گناہ شہریوں کے قتل کے مسلسل واقعات پر حکومت کی خاموشی ناقابل فہم ہے۔انھوں نے کوئٹہ میں فائرنگ کے واقعہ میںجاں بحق ہونے والے افرادکے سوگوارلواحقین سے دلی تعزیت وہمدردی کااظہار کرتے ہوئے دعا کی کہ اللہ تعالیٰ جاں بحق افرادکو اپنی جواررحمت میں جگہ عطا فرمائے اور سوگوارلواحقین کو صبرجمیل عطا کرے ۔ دریں اثنا ایم کیو ایم شعبہ اطلا عات نے مقامی چینل کے کیمرہ مین سکند ربخت کے انتقال پر افسوس کا اظہار کیا ہے۔ ایک تعزیتی بیان میں شعبہ اطلا عات نے مر حوم کے تمام سوگوار لواحقین سے دلی تعزیت وہمدردی کا اظہار کرتے ہوئے دعا کی کہ اللہ تعالیٰ مرحوم کے درجات بلند کرے اور جنت الفردوس میں اعلی مقام عطاء فرمائے اور انکے سوگواران کو یہ صدمہ برداشت کرنے کی ہمت عطا کرے۔