12 مئی ، 2012 
جونیئر ایشیا کپ جیتنے کیلئے کھلاڑیوں کو 100فیصد پرفارم کرنا ہوگا، احمد عالم
12 مئی ، 2012
ملاکا … جونیئر ہاکی ایشیا کپ کا فائنل کل پاکستان اور میزبان ملائیشیا کے درمیان کھیلا جائے گا، میچ پاکستانی وقت کے مطابق شام 5 بجے شروع ہوگا، قومی ٹیم کے کوچ احمد عالم کا کہنا ہے کہ ٹرافی جیتنے کیلئے کھلاڑیوں کو 100 فیصد پرفارمنس دینا ہوگی۔ ملائیشیا کے شہر ملاکا میں جاری ایونٹ میں پاکستان ہاکی ٹیم اب تک ناقابل شکست ہے، جبکہ ملائیشیا کی ٹیم بھی اپنے گروپ میں سرفہرست تھی۔ پاکستان نے سیمی فائنل میں جنوبی کوریا کو 6-1 جبکہ ملائیشیا نے بھارت کو 2-0 سے شکست دی تھی۔ پاکستان جونیئر ہاکی ٹیم کے کوچ احمد عالم کا کہنا ہے کہ فائنل کیلئے پلیئرز نے بھرپور تیاری کی ہے، ٹرافی جیتنے کیلئے کھلاڑیوں کو 100 فیصد پرفارمنس دینا ہوگی ۔ انہوں نے کہا کہ ملائیشیا کو آسان حریف تصور نہیں کیا جاسکتا، پاکستان نے حال ہی میں ہونیوالی جونیئر ٹیسٹ سیریز میں ملائیشیا کو 2-1 سے شکست دی تھی ۔
مزید خبریں :
اسپیشل ونٹر اولمپکس میں پاکستان نے تیسرا گولڈ میڈل جیت لیا
14 مارچ ، 2025
اسپیشل اولمپکس ورلڈ ونٹرگیمز میں پاکستان نے 4 میڈلز جیت لیے
13 مارچ ، 2025
پی ایس ایل میں مزید 2 ٹیمیں شامل کرنےکا فیصلہ
13 مارچ ، 2025
