24 جون ، 2015 
ایم کیو ایم پر لگائے گئے الزامات کی تحقیقات ہوں گی، عابد شیر علی
24 جون ، 2015
اسلام آباد.......وزیر مملکت عابد شیر علی نے کہا ہے کہ متحدہ قومی موومنٹ پر بھارت سے فنڈنگ لینے کا جو الزام سامنے آیا ہے اس کی تحقیقات کی جائیں گی، جبکہ پیپلز پارٹی کی رہنما شازیہ مری کا کہنا ہے کہ الزامات کا جواب ایم کیو ایم کو خود دینا ہوگا۔ جیو نیوز کے پروگرام ’’کپیٹل ٹاک‘‘ میں بات چیت کرتے ہوئے وزیر مملکت عابد شیر علی نے کہا کہ بھارت کی جانب سے ایم کیو ایم کی فنڈنگ کرنے کی تحقیقات ہو گی۔ پیپلز پارٹی کی رکن قومی اسمبلی شازیہ مری نے کہا کہ اس الزام کا جواب خود ایم کیو ایم کو دینا ہوگا۔ تحریک انصاف کے رکن قومی اسمبلی شہریار آفریدی نے کہا کہ ایم کیو ایم پر بہت سنگین الزام سامنے آیا ہے۔ ایوان کے اندر بیٹھی جماعتوں کے ساتھ مسلح افواج کو بھی اس کا نوٹس لینا چاہیے۔
مزید خبریں :
پاکستان کی ایران پر اسرائیلی حملے کی شدید مذمت
13 جون ، 2025
بالائی سندھ کے تمام اضلاع میں آندھی اور بارش کا امکان
13 جون ، 2025
