04 جولائی ، 2015 
کویت ،شیعہ سنی مسلمانوں نےایک ساتھ نماز جمعہ ادا کی
04 جولائی ، 2015
پیرس...... رضا چوہدری /نمائُندہ جنگ......کویت کی گرینڈ مسجد میں نماز جمعہ شیعہ اور سنّی مسلمانوں نے ایک ہی صف میں کھڑے ہو کر ادا کی،نماز کے شرکا ء میں کویت کے امیر شيخ صباح الاحمد الجابر الصباح بھی شامل تھے،یہ بات پاکستان عوامی تحریک یورپ کے راہنما ر خلیل احمد نے پیرس میںایک افطار ڈنرکے اجتماع سے خطاب میں کہی،ان کا کہنا تھاکہ سنّی مسلمانوں کے امام ولید العلی نے خطبے میں’ شدت پسندی کو قتل و غارت کا سبب قرار دیا۔ شیعہ مسلمان اور رکن پارلیمان عدنان عبدالصمد نے نماز جمعہ کی اکھٹے ادائیگی کو نماز اتحاد کی ادئیگی قرار دیا۔ یاد رہے پچھلے جمعہ کو کویت کے دارالحکومت کویت سٹی میں واقع شیعہ مسلمانوں کی ایک مسجد میں نماز جمعہ کے دوران خود کش دھماکے میں 27 افراد جاںبحق اور 227 افراد زخمی ہو ئےتھے ۔ ایک ہفتے بعد شہر میں شیعہ اور سنّی مسلمانوں نے ایک ساتھ نمازجمعہ ادا کر کے آپس میں اتحاد و اتفاق کا اظہار کیا ہے۔
مزید خبریں :
امریکا نے جنوبی افریقہ کے سفیر کو ملک بدر کردیا
16 مارچ ، 2025
متحدہ عرب امارات کا تل ابیب میں بین المذاہب افطار
15 مارچ ، 2025
