12 جولائی ، 2015 
فلم ’بجرنگی بھائی جان‘ کے نئے گانے کی ویڈیو ر یلیز
12 جولائی ، 2015
بالی وڈ..........بالی وڈ کے دبنگ سلمان خان ہمیشہ کی طرح اس بار بھی دھماکے سے آئے اور ان کی آنے والی نئی ایکشن رو مینٹک بالی وڈ فلم بجرنگی بھائی جان کے نئے گانے ’زندگی کچھ تو بتا‘ کی مکمل ویڈیو ریلیز کر دی گئی ہے۔ بجرنگی بھائی جان میں سلمان خان نا صرف ایکشن میں نظر آئیں گے، بلکہ ایک پاکستانی بچی کے محافظ کے روپ میں بھی دکھائی دیں گے۔ کبیر خان کی ہدایات میں بننے والی اس فلم کی کہانی ایک پاکستانی لڑکی کے گرد گھوم رہی ہے، جو بھارت میں اپنے والدین سے بچھڑ جاتی ہے اور کسی کی مدد کے بغیر اس کا واپس جانا ناممکن ہو جاتا ہے۔ بجرنگی بھائی جان یعنی سلمان خان اس بچی کے محافظ بن کر اسے خیر خیریت سے واپس اس کے والدین کے پاس پاکستان پہنچانے کے لیے سر گرم ہو جاتے ہیں۔ اس فلم میں سلمان خان کے ساتھ کرینہ کپور خان اور نواز الدین صدیقی بھی اہم کردار ادا کر رہے ہیں، اس فلم کو چھوٹی عید پر دنیا بھر میں عام نمائش کے لیے پیش کر دیا جائے گا۔
مزید خبریں :
