24 جولائی ، 2015 
ہالی وڈ فلم ’دی ہنگر گیمز: ماکنگ جے پارٹ ٹو‘ کا نیا ٹریلر جاری
24 جولائی ، 2015
ہالی وڈ.........بلاک بسٹر ہالی وڈ فلم ’دی ہنگر گیمز‘ کے آخری حصے ’دی ہنگر گیمز: ماکنگ جے پارٹ ٹو‘ کا نیا ٹریلر جاری ہوگیا ہے۔ باکس آفس پر تہلکہ مچا دینے والی ہالی وڈ کی بلاک بسٹر اور ایڈونچر فلم ’دی ہنگر گیمز‘ سلسلے کی چوتھی اور آخری فلم ’دی ہنگر گیمز: ماکنگ جے پارٹ ٹو‘ کا نیا ٹریلر جاری کردیا گیا ہے۔ فرانسس لارنس کی ہدایتکاری میں بننے والی اس فلم کی کہانی سالانہ ہنگر گیمز جیتنے والی کیٹ نس ایورڈین (جنیفر لارنس) کے گرد گھومتی ہے، جو دشمنوں سے آخری لڑائی لڑتی دکھائی دینگی۔ فلم کی کاسٹ میں مشہور ہالی ووڈ اداکارہ جنیفر لارنس مرکزی کردار نبھا رہی ہیں، جبکہ کاسٹ میں جوش ہچرسن، لیام ہیمسورتھ، ووڈی ہارلسن، فلپ ہوفمین، الزبتھ بینکس اور جولیان مور سمیت دیگر فنکار شامل ہیں۔ نینا جیکب سن اور جان کلک کی مشترکہ پروڈیو س کردہ ایکشن سے بھرپور فلم 20نومبر کو سینما گھروں میں نمائش کے لیے پیش کی جائے گی۔
مزید خبریں :
