08 ستمبر ، 2015 
عراق میں داعش کے خلاف 1100 قبائلی جنگجوئوں کا نیا لشکر تیار
08 ستمبر ، 2015
بغداد .....عراق کے شورش زدہ صوبہ الانبار کے صدر مقام الرمادی میں البغدادی کیمقام پر فوج اور حکومت کو لاجسٹک سپورٹ مہیا کرنے اور دولت اسلامیہ عراق وشام (داعش) کے خلاف جنگ میں معاونت کے لیے قبائلی جنگجوئوں پر مشتمل نیا بریگیڈ تشکیل دیا گیا ہے جس میں ابتدائی طور پر 1100 جنگجو شامل کیے گئے ہیں۔غیرملکی خبررساں ادارے کے مطابق مغربی رمادی سے 90 کلومیٹر دور البغدادی کے علاقے میں قبائل نے یہ لشکر ایسے وقت میں تشکیل دیا ہے جب سرکاری فوج اس علاقے میں داعش کے خلاف برسرپیکار ہے۔ مسلح قبائلی لشکرسے جہاں ایک طرف بغداد کی مرکزی حکومت کو لاجسٹک سپورٹ ملے گی وہیں الانبار کی صوبائی حکومت کو بھی دہشت گردی کے خلاف جنگ میں معاونت حاصل ہوگی۔الانبار میں متعین عراقی فوج کے بریگیڈیئر جنرل حمد عبدالرزاق الدلیمی نے منگل کو بتایا کہ البغدادی کے علاقے میں گیارہ سو جنگجوئوں پر مشتمل لشکر میں وہاں کے مقامی قبائل کو شامل کیا گیا ہے۔
مزید خبریں :
اسرائیلی فوج نے غزہ کا واحد کینسر اسپتال بھی تباہ کردیا
21 مارچ ، 2025
غزہ پر اسرائیلی بمباری سے مزید 59 فلسطینی شہید
21 مارچ ، 2025
