10 ستمبر ، 2015 
کراچی: عزیز آباد اور دیگرعلاقوں میں کارروائیاں،40گرفتار،اسلحہ برآمد
10 ستمبر ، 2015
کراچی........ کراچی کے مختلف علاقوں میں پولیس اور رینجرز نے دہشت گردوں اور جرائم پیشہ افراد کے خلاف کریک ڈاؤن کیا ۔کارروائیوں میں3ملزمان سمیت40سے زائد مشتبہ افراد کو حراست میں لے لیا گیا۔
کراچی میں صبح سویرے عزیز آباد ، پی آئی بی کالونی، باجوڑی محلہ،اختر کالونی اور پرانی سبزی منڈی میں رینجرز اور پولیس کی جانب سے سرچ آپریشن کیا گیا ۔ ایس پی گلشن اقبال کے مطابق کارروائی میں 3ملزمان گرفتار کیے گئے جن سے اسلحہ بھی برآمد ہوا۔ سرچ آپریشن کےدوران30مشتبہ افراد کو بھی حراست میں لیا گیا۔جن سے مزید تفتیش کی جارہی ہے۔
انسدادِدہشتگردی محکمہ نے جہانگیر پارک کے قریب کارروائی کی اور ایک عمارت سے6مشتبہ افراد کو گرفتار کرلیا
دوسری جانب رینجرز نے دو مختلف علاقوں اختر کالونی اور بھنگوریہ گوٹھ میں سرچ آپریشن کرتے ہوئے 14مشتبہ افراد کو حراست میں لیکر تفتیش کے لیے نامعلوم مقام پر منتقل کردیا۔
مزید خبریں :
