دنیا
16 ستمبر ، 2015
16 ستمبر ، 2015 
تارکین وطن کا بحران امریکا اور یورپ کو مل کر حل کرنا ہو گا، اوباما
16 ستمبر ، 2015
واشنگٹن.......امریکی صدر باراک اوباما نے کہا ہے کہ تارکین وطن کا بحران سنگین ہو گیا ہے۔ یورپ اور امریکا کو حل کرنے کے لئے تعاون کرنا ہو گا۔
وائٹ ہائوس میں اپنے دفتر میں اسپین کے بادشاہ فلپ ششم کے ساتھ ملاقات میں صدر اوباما نے کہا یورپ اور امریکا کو بین الاقوامی برادری کے تعاون سے تارکین وطن کے بحران کو حل کرنے کی کوشش کرنا ہو گی۔ انہوں نے اعتراف کیا کہ بحران کے حل کے لئے امریکا کو بھی تارکین وطن کو پناہ دینا ہو گی۔
صدر اوباما نے اس بات پر زور دیا کہ تارکین وطن کے ساتھ ہمدردی سے پیش آنا چاہئیے۔ صدر اوباما نے مزید کہاکہ مسئلے کو حل کرنے کے لئے اسکی جڑ کو اکھاڑنا ہو گا۔
