05 اکتوبر ، 2015 
خوف و دہشت سے بھرپور فلم’بون ٹوماہاک‘ کا پہلا ٹریلر جاری
05 اکتوبر ، 2015
لاس اینجلس ......خوف اور دہشت سے بھرپور نئی ہالی وڈ فلم "بون ٹوماہاک " کا پہلا ٹریلر جاری کر دیا گیا۔
ہدایت کار ایس کریگ زاہلر کی ڈائریکشن میں بننے والی اس فلم کی کہانی ایسے لوگوں کے گرد گھومتی ہے جو وحشی آدم خوروں کے ہاتھوں اغوا ہونے والے افراد کو بچانے کیلئے ان کے ٹھکانوں کا رُخ کرتے ہیں، جہاں ان کا سامنا خطرناک دشمن سے ہوجاتا ہے ۔
جیک ہیلر اور ڈیلاس سونیئر کی مشترکہ پروڈکشن میں ہالی وڈ اداکارکرٹ رَسل اور پیٹرک وِلسن مرکزی کرداروں میں جلوہ گر ہورہے ہیں جبکہ میتھیو فاکس، رچرڈ جینکنز، للی سمنز، ڈیوڈ آرکیڈ ، سیڈ ہیگ اور شان ینگ اہم کرداروں میں اپنی اداکاری کے جوہر دکھائیں گے۔
مار دھاڑ اور سنسنی سے بھرپور فلم 23 اکتوبر کو امریکی سینما گھروں کی زینت بنے گی ۔
