انٹرٹینمنٹ
05 اکتوبر ، 2015
05 اکتوبر ، 2015 
ایکشن اور تھرل سے بھرپور فلم’ دی کنڈیمڈ2 ‘کاٹریلر جاری
05 اکتوبر ، 2015
لاس اینجلس ......ہالی وڈفلم کی ایکشن اور تھرل سے بھرپور فلم " دی کنڈیمڈ2 "کاٹریلر جاری کر دیا گیا ہے۔
ہدایتکار رائیل رینی کی اس فلم کی کہانی ایک حقیقی گیم شو کے گِرد گھوم رہی ہے جس میں تمام کھلاڑیوں کو ایک دوسرے کے ساتھ خطرناک گیمز کھیلنے کیلئے مجبور کیا جاتاہے اور جو شخص زندہ بچ جائے وہی گیم کا فاتح قرار پاتا ہے۔
نیو میکسیکو سٹی میں عکسبند کی گئی اس فلم میں نامور ریسلنگ اسٹار رینڈی اورٹن مرکزی کردار میں جلوہ گر ہو رہے ہیں جبکہ فلم کی دیگر کاسٹ میں ایرک رابرٹ ، ویس اسٹوڈی، اسٹیون مائیکل، ایلکس نائٹ، میتھیو پیچ اوراوڈرے والٹرز شامل ہیں۔
فلم کولائینز گیٹ اور ڈبلیو ڈبلیو ای اسٹوڈیوز کے تحت 6نومبر کو سنیما گھروں کی زینت بنایا جائیگا۔
