06 اکتوبر ، 2015 
سلمان اور سونم کی فلم’پریم رتن دھن پایو‘کے ٹریلر نے دھوم مچادی
06 اکتوبر ، 2015
ممبئی .....بالی ووڈ ہیرو سلمان خان اور سونم کپور کی نئی فیملی ڈرامہ فلم ’پریم رتن دھن پایو‘کے پہلے ٹریلر نے انٹرنیٹ پر دھوم مچادی ہے۔
ٹریلر اب تک 5ملین سے زائد افراد کی توجہ کا مرکز بن چکا ہے جبکہ یہ ٹریلر ایک دن میں سب سے زیادہ دیکھا جانے والا کسی بھی بالی ووڈ فلم کا ٹریلر بن چکا ہے۔
سورج برجاتیا کی ہدایتکاری میں بننے والی اس فلم میں سپر ہیرو سلمان خان شہزادے اور فائٹر کے ڈبل رول میں دکھائی دینگے جبکہ خوبرو اداکارہ سونم کپور ان کی ہیروئن کے طور پر نظر آئینگی، فلم کی دیگر کاسٹ میںانوپم کھیر،نیل نتن مکیش اور ارمان کوہلی سمیت کئی فنکار شامل ہیں۔
رومانس سے بھرپور یہ فلم فوکس اسٹار اسٹوڈیوز کے بینر تلے 12نومبر کو سینما گھروں میں نمائش کیلئے پیش کی جائے گی۔
