07 اکتوبر ، 2015 
اینی میٹڈکامیڈی فلم’ دی گُڈ ڈائنو سار‘کا نیاٹریلر
07 اکتوبر ، 2015
لاس اینجلس ......ہالی وڈ کی ایڈونچر سے بھرپور نئی کمپیوٹر اینی میٹڈ فلم ’دی گُڈ ڈائنو سار‘کا نیا ٹریلرجا ری کر دیا گیا ہے۔
پیٹر سوہن اور باب پیٹر سن کی مشترکہ ہدایت کاری میں بننے والی اس فلم کی کہانی اسپاٹ (Spot)نامی ایک ایسے لڑکے کے گردگھومتی ہے جس کی دوستی 70فٹ اونچے دیوہیکل ڈائنو سارآرلو(Arlo )سے ہو جاتی ہے۔
پکسر اینی میشن اسٹوڈیوزاور والٹ ڈزنی پکچرزکی پروڈکشن میں بننے والی اس کامیڈی فلم کے ڈائیلاگ ہالی وڈ اداکارلوکس نیف،جان لیٹگو،فرانسس میکڈولڈزاورجوڈی گریئر کی آوازوں میں ریکارڈ کئے گئے ہیں ۔
اس شرارتی ڈائنو سار اور ننھے لڑکے کی غیر معمولی دوستی پر مبنی کامیڈی سے بھرپور یہ ایڈونچر فیملی ڈرامہ فلم والٹ ڈزنی اسٹوڈیوز کے تحت رواں سال 25نومبر کو سنیما گھروں میں نمائش کیلئے پیش کر دی جائیگی۔
