پاکستان
13 اکتوبر ، 2015
13 اکتوبر ، 2015 
مظفر گڑھ: خود سوزی کرنے والی خاتون جاں بحق
13 اکتوبر ، 2015
مظفرگڑھ........مظفرگڑھ میں مبینہ طور پر پولیس اہلکاروں کے ہاتھوں زیادتی کا شکارہونے پر خودسوزی کرنے والی خاتون ملتان نشتر اسپتال میں دم توڑ گئی۔
بستی گوری والا کی رہائشی خاتون نے آج صبح تھانا سٹی مظفر گڑھ کے سامنے پولیس اہلکاروں کی جانب سے مبینہ اجتماعی زیادتی کا مقدمہ درج نہ ہونے پر پیٹرول چھڑک کر آگ لگا لی تھی۔
پولیس اہلکاروں اور ریسکیو اہلکاروں نے خاتون کو تشویشناک حالت کے باعث ملتان نشتر اسپتال منتقل کیا جہاں خاتون زخموں کی تاب نہ لاتے ہوئے چل بسی ، طبی امداد کے دوران بیان دیتے ہوئے خاتون نے بتایا تھا کہ ایک ہفتے قبل پولیس اہل کاروں نے ڈیرے پر اجتماعی زیادتی کا نشانہ بنایا تھا۔
