14 اکتوبر ، 2015 
جیمز بونڈ سیریز کی فلم’اسپیکٹر‘کانیاٹریلر جاری کردیا گیا
14 اکتوبر ، 2015
لاس اینجلس ..... جیمز بو نڈ سیریز کی ایکشن سے بھرپور فلم اسپیکٹر کانیا سنسنی خیز ٹریلر جاری کردیا گیا ، ہالی ووڈکے مشہور اداکار ڈینیل کریگ مسلسل چوتھی بار جیمز بونڈ کے روپ میں دکھائی دینگے۔
سیم مینڈس کی ہدایت کاری میں بننے والی اس فلم میں جیمز بانڈ ایک مرتبہ پھر دشمنوں کے تعاقب میں اپنی توانائیاں صرف کرتے دکھائی دیتے ہیں۔
فلم میں جیمز بانڈ کا مشہور و معروف کردار ایک مرتبہ پھر اداکار ڈینیل کریگ نبھاتے دکھائی دینگے جبکہ دیگر فنکاروں میں کرسٹوف والٹز،رالف فائنز،مونیکا بیلوسی،اینڈیو اسکاٹ،نومی ہیرس،بین وہشاواور جیسپر کرسٹین سن شامل ہیں۔
ایکشن، ایڈونچر، کرائم اور جا سو سی پر مبنی بونڈ سیریز کی 24ویں فلم اسپیکٹر 26اکتوبر کو سینما گھر وں میں نمائش کیلئے پیش کی جائیگی۔
