20 اکتوبر ، 2015 
بھارت:نچلی ذات سے تعلق جرم بن گیا ،بہن بھائیوں کو زندہ جلا دیا گیا
20 اکتوبر ، 2015
ہریانہ....... بھارت میں انتہاپسندی، ذات پات کی اونچ نیچ اور اقلیتوں پر مظالم کی روزانہ نئی داستان لکھی جا رہی ہے، بھارت میں نچلی ذات کے ہندو بہن بھائیوں کو زندہ جلا دیا گیا ، ماں اور باپ بھی بُری طرح جھلس گئے۔
ادھر آئی بھارت میں مودی سرکار، ادھر شروع ہو گئی انتہاپسندی کی یلغار، ہندو جنونیوں سے اب کوئی بھی سلامت نہیں، ذات پات کے نام پر ہورہے ہیں پاپ، جس کا تازہ نشانہ بنا ہریانہ کا ایک غریب دلت خاندان، جس کا قصور یہ تھا کہ اس نے علاقے میں ہونے والے قتل کیخلاف پولیس کو شکایات درج کرائی تھیں۔
ملزمان نے پہلے گھر پر پٹرول چھڑکا، باہر سے کنڈی لگائی اور پھر تیلی دکھا دی، گھر میں موجود نو ماہ کا بچہ اور ڈھائی سال کی بچی شعلوں کی نذر ہوگئی، ماں باپ بھی بری طرح جھلس گئے۔باپ کہتا ہے کہ مجھے میرے بچے چاہئیں۔
بھارتی پولیس نے مقدمہ درج کرلیا، بھارت میں بڑھتی ہوئی انتہاپسندی پر دنیا تو لعن طعن کر رہی ہے، خود بھارتی صدر کو بھی یہ کہنا پڑا کہ ایسے واقعات بھارت کو بڑے مہنگے پڑیں گے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
1 گھنٹے پہلے
غزہ پر اسرائیلی بمباری سے مزید 38 فلسطینی شہید
3 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
