07 نومبر ، 2015 
عبد الرشید غازی قتل کیس :مشرف کی جانب سے مستقل استثنی ٰ کی درخواست
07 نومبر ، 2015
اسلام آباد..........عبد الرشید غازی قتل کیس میں پرویز مشرف کی جانب سےمیڈیکل رپورٹ اور حاضری سے مستقل استثنی ٰ کی درخواست پیش کردی گئی ۔
عدالت نےکہا میڈیکل رپورٹ میں اسپتال کانام موجود ہے نہ ڈاکٹر کا، ڈاکٹر کی رائے بھی موجودنہیں ، آئندہ سماعت پراسپتال اورڈاکٹر کانام بتایاجائے ۔
ایڈیشنل سیشن جج اسلام آباد پرویز القادر میمن نے سابق صدر پرویز مشرف کے خلاف غازی عبد الرشید قتل کیس کی سماعت کی ۔ پرویز مشرف کے وکیل نے عدالت میں موقف اختیار کیا کہ ان کےموکل کمر کی تکلیف کی وجہ سے چلنے پھرنے کے قابل نہیں ، میڈیکل بورڈ نے مکمل آرام کرنے کی ہدایات کی ہیں ،مستقل حاضری سے استثنٰی کی درخواست منظور کی جائے ۔
شہداء لال مسجد کے وکیل نے درخواست کی مخالفت کرتے ہوئے کہا کہ ملزم روز ٹی وی پر آکر مکا دکھاتا ہے، میڈیکل رپورٹ اصل ہے یانقل ، تصدیق ہونی چاہئے ، ہربار نئی میڈیکل رپورٹ سے کہیں عدالتی کارروائی روکنے کے لیے ڈرامہ تو نہیں کیا جارہا۔ کیس کی مزید سماعت 14 نومبر کوہوگی۔
