10 دسمبر ، 2015 
الرمادی میںعراقی پیشقدمی ،امریکا ہیلی کاپٹرزدینے کو تیار
10 دسمبر ، 2015
واشنگٹن........امریکا داعش کے زیر قبضہ عراق کے مغربی شہر الرمادی کا کنٹرول دوبارہ حاصل کرنے کے لیے عراقی سکیورٹی فورسز کو لڑاکا ہیلی کاپٹر بھیجنے کو تیار ہے۔
میڈیارپورٹس کے مطابق یہ بات امریکی وزیر دفاع آشٹن کارٹر نے سینیٹ کی آرمڈ سروسز کمیٹی کے روبرو بیان میں کہی ۔انھوں نے کہا کہ عراقی فوج نے صوبہ الانبار کے دارالحکومت پر دوبارہ قبضے کے لیے پیش قدمی شروع کردی ہے۔امریکا عراقی فوج کی اضافی صلاحیتوں کے ساتھ مدد دینے کو تیار ہے۔
انھوں نے کہا کہ اگر عراقی وزیراعظم حیدر العبادی نے مدد کی درخواست کی تو عراقی فوج کے لیے اپاچی ہیلی کاپٹروں اور فوجی مشیروں کی شکل میں مزید کمک بھیجی جائے گی۔امریکا کے ایک دفاعی عہدے دار نے کہا ہے کہ سیکریٹری دفاع عراق میں پہلے سے موجود اپاچی ہیلی کاپٹروں کا حوالہ دے رہے تھے۔وہ اس وقت فورس کے تحفظ کا کردار ادا کررہے ہیں اور انھیں وقتِ ضرورت جنگی مقاصد کے لیے بھی استعمال کیا جاسکتا ہے۔
مزید خبریں :
اردن نے جماعت الاخوان المسلمین پر پابندی عائد کردی
4 گھنٹے پہلے
ترکیہ میں6.2 شدت کے زلزلےکےجھٹکے
5 گھنٹے پہلے
اسرائیلی فوج کے غزہ پر حملے جاری، مزید 32 فلسطینی شہید ہوگئے
23 اپریل ، 2025
ویٹیکن نے پوپ فرانسس کی زندگی کے آخری لمحات کی تفصیل جاری کردی
22 اپریل ، 2025
