16 دسمبر ، 2015 
دہشتگردی کیخلاف قلم اور علم سے جہاد کیا جائے گا، ملالہ
16 دسمبر ، 2015
برمنگھم......اے پی ایس کے شہید طلبہ کو خراج عقیدت پیش کرنے اور لواحقین سے اظہار یکجہتی کے لیے برمنگھم میں تقریب ہوئی۔ سانحے میں زخمی طالب علم احمد نواز اور نوبیل انعام یافتہ ملالہ یوسف زئی نے تقریب میں شرکت کی۔
تقریب سے خطاب میں آرمی پبلک اسکول پشاور کے زخمی طالب علم احمد نواز نے یقین دلایا کہ تعلیم حاصل کر کے دہشتگردی پر قابو پایا جاسکتا ہے۔ اُنہوں نے کہا کہ جب فائرنگ ہوئی تو کچھ وقت کے لیے وہ اپنے شہید ساتھیوں کے ساتھ زمین پرلیٹ گئے۔ اُنہوں نے استانی کو اپنے سامنےجلتادیکھا،لیکن مددنہ کرسکے ۔
تقریب سے خطاب میں ملالہ یوسف زئی نے شہدا اور زخمیوں کوخراج تحسین پیش کیا۔ ا نہوں نے کہاکہ آپریشن ضرب عضب کے بعد آپریشن ضرب قلم کی ضرورت ہے، دہشت گردی کےخلاف قلم اورعلم سے جہاد کیا جائے گا۔
ملالہ کا کہنا تھا تعلیم عام کرنےسےدہشتگردی کی وجوہات ختم کی جاسکتی ہیں۔
مزید خبریں :
سینیٹ نے قومی کمیشن برائے اقلیت کا بل منظور کرلیا
8 گھنٹے پہلے
تربت میں سکیورٹی فورسز کے آپریشن میں 3 دہشتگرد ہلاک ہوگئے
29 اپریل ، 2025
