30 مئی ، 2012 
مصباح الحق کو اعتراض، سینٹرل کنٹریکٹ پر دستخط کا معمہ حل نہ ہوسکا
30 مئی ، 2012
کراچی … پاکستان کرکٹ بورڈ کی جانب سے کھلاڑیوں کو دیئے جانے والے سینٹرل کنٹریکٹ پر تاحال کسی بھی کرکٹر نے دستخط نہیں کیے ہیں، ذرائع کا کہنا ہے کہ کھلاڑیوں کومصباح الحق نے سائن کرنے سے منع کیا ہے۔ سینٹرل کنٹریکٹ کے اعلان کو 4 دن گزرچکے ہیں مگر ابھی تک کسی کھلاڑی نے اس پر دستخط نہیں کئے ہیں۔ ذرائع کے مطابق کرکٹرز نے ٹیسٹ اور ون ڈے ٹیم کے کپتان مصباح الحق کی ہدایت پر سینٹرل کنٹریکٹ پر دستخط نہیں کئے ہیں۔ بعض کرکٹرز کا موٴقف ہے کہ لاہور میں ٹارگٹ میچ کے دوران مصباح الحق نے ٹی 20 ٹیم کے کپتان محمد حفیظ کے ذریعے کھلاڑیوں کو پیغام پہنچایا کہ 29 صفحات پر مشتمل سینٹرل کنٹریکٹ کی بعض شقیں اْن کیلئے مشکلات کا سبب بن سکتی ہیں لہٰذا کوئی بھی کھلاڑی دستخط نہ کرے، وہ پاکستان کرکٹ بورڈ کے چیئرمین سے ملاقات کرکے شقوں کو تبدیل کرانے کی کوشش کریں گے جس کے بعد کھلاڑی سینٹرل کنٹریکٹ پر دستخط کریں ۔
