پاکستان
21 جنوری ، 2016
21 جنوری ، 2016 
ملک بھرمیں بڑا بریک ڈاؤن،کئی شہروں سے بجلی غائب
21 جنوری ، 2016
اسلام آباد......ملک بھرمیں بجلی کا بڑا بریک ڈاؤن ہونے سے بیشتر علاقوں میں بجلی کی فراہمی معطل ہو گئی۔ بجلی کی فراہمی میں معطلی کی وجہ گڈوپاوراسٹیشن میں فنی خرابی بتائی جا رہی ہےجس سےنارتھ زون میں بجلی بند ہو گئی،فنی خرابی کے باعث تربیلا،منگلا،غازی بروتھا پاوراسٹیشنز بھی ٹرپ کرگئے جن بڑے شہروں مین بجلی غائب ہے ان میںملتان ، لاہور ، فیصل آباد، راولپنڈی ،اسلام آباد اور پشاور شامل ہیں۔
بجلی کی فراہمی معطل ہوجانے پر قومی اسمبلی کا ایوان بھی تاریکی میں ڈوب گیاجس پراپوزیشن اراکین نے بجلی کی معطلی پر شور شرابا کیا۔قومی اسمبلی اجلاس کے دوران چند لمحوں کے لئے بجلی جانے کا معاملے کی اسپیکر قومی اسمبلی نے انکوائری کا حکم دے دیا ۔
