پشاور…مختلف قبائلی علاقوں میں ہونے والے بم دھماکوں اور فائرنگ میں دو سیکیورٹی اہلکاروں سمیت 4افرادجاں بجق جبکہ دو سیکیورٹی اہلکار سمیت 6افرادزخمی ہوگئے۔ ذرائع کے مطابق جنوبی وزیرستان سے ملحقہ تحصیل جنڈولہ کے علاقے میں سڑک کنارے نصب بم پھٹ گیا۔جس سے ایک سیکیورٹی اہلکار شہید ہوگیا۔دھماکہ کے بعدسیکیورٹی فورسز نے علاقے میں سرچ آپریشن شروع کردیا ہے۔ادھرخیبر ایجنسی کی تحصیل باڑہ کے علاقے سپاہ میں مزدوروں کو لے جانے والی پک اپ پر نامعلوم افراد کی فائرنگ سے ڈرائیور جاں بحق اور چار مزدور زخمی ہوگئے۔وسطی کرم کے علاقہ جوگی میں شدت پسندوں کی جانب سے مارٹر گولہ حملے میں 2 سیکیورٹی اہلکار زخمی ہوگئے۔دوسری جانب پولٹیکل انتظامیہ کے مطابق ضلع کوہاٹ میں ایف آر جواکئی کے علاقہ جنڈے سر میں بارودی سرنگ دھماکے میں فرنٹئر کانسٹبلری کا ایک اہلکار جاں بحق ہوگیا۔ادھر ایف آر جواکئی کے علاقہ تاوٴدو اور اوبو میں امن لشکر اور شدت پسندوں میں جھڑپ میں ایک رضا کار جاں بحق ہوگیا۔جبکہ امن لشکر اور شدت پسندوں کے درمیان جھڑپ جھڑپ جاری ہے۔