10 فروری ، 2016 
کمال امروہی کو مداحوں سے بچھڑے 23 سال بیت گئے
10 فروری ، 2016
کراچی......محل، پاکیزہ اور رضیہ سلطان جیسی مشہور فلموں کے ہدایت کار کمال امروہی کو اپنے مداحوں سے بچھڑے 23 سال ہو گئے کل ان کی برسی منائی جائیگی۔
1938ء میں فلم جیلر کی کہانی لکھنے سے فلمی صنعت میں داخل ہونے والے کمال امروہی کی بطور ہدایت کار پہلی فلم محل تھی۔مشہور فلم مغل اعظم کے مکالمے لکھنے والی ٹیم کے ایک اہم رکن کمال امروہی بھی تھے۔
کمال امروہی نے اپنے وقت کی مشہور اداکارہ مینا کماری سے تیسری شادی کی۔ خانگی اتار چڑھاؤ سے گزرنے کے بعد یہ شادی طلاق پر ختم ہوئی۔کمال امروہی نے اپنی زندگی میں چند ہی فلموں کی ہدایات دیں۔
کمال امروہی کی آخری فلم رضیہ سلطان تھی۔کمال امروہی کی فلمیں شاندار سنیماٹوگرافی، مکالموں اور ماحول کے سبب ہمیشہ یاد رکھی جائیں گی۔11 فروری1993ء کو کمال امروہی 75 برس کی عمر میں عالم جاوداں کو سدھار گئے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
شاہ رخ نہ سلمان، بھارت میں سب سے مقبول اداکار کون؟ فہرست جاری
21 نومبر ، 2024
