کراچی......پاکستانی فلمساز،ہدایتکار اور اداکار عاشر عظیم کی نئی پولیٹکل تھرلر فلم"مالک"کا ٹریلر جاری کر دیا گیا۔

پاکستانی ناظرین کو 'دھواں جیسا بلاک بسٹرڈرامہ سیریل دینے والے عاشر عظیم اب اپنی فلم کے ذریعے تہلکہ مچانے کو تیار ہیں۔فلمساز،رائٹر و ہدایتکاراور اداکار عاشر عظیم نے نہ صرف فلم کا اسکرین پلے تحریر کیا ہے بلکہ اسے پروڈیوس کرنے کیساتھ اسکی ہدایتکاری بھی دے رہے ہیں اور ساجد حسن کیساتھ لیڈ رول بھی وہ خود ہی نبھارہے ہیں۔

عاشر عظیم اور ساجد حسن کیساتھ فلم کی نمایاں کاسٹ میں فرحان علی آغا،حسن نیازی، عدنان شاہ،راشدفاروقی،سبرین بلوچ،مریم انصاری، ثناء بچہ،عدنان شاہ ٹیپواور تتمین القلب شامل ہیں جبکہ فلم کی موسیقی ساحر علی بگھا نے ترتیب دی ہے ۔فلم کی کہانی پاکستان کی ایلیٹ اسپیشل فورس کے جوان کے گردگھوم رہی ہے جو سیاست کے چنگل میں پھنس گیا ہے۔

جرائم پیشہ عناصر،سیاست کے داؤ پیچ کے درمیان فرض شناسی کے مقصد کے گرد گھومتی یہ فلم رواں سال 8اپریل کو پاکستانی شائقین کیلئے سینما گھروں کی زینت بنائی جائیگی۔