پاکستان
29 جنوری ، 2012
29 جنوری ، 2012 
کراچی :گارڈن میں فائرنگ سے دو افراد ہلاک، 4افراد زخمی
29 جنوری ، 2012
کراچی …کراچی کے علاقے گارڈن میں نامعلوم افراد کی فائرنگ سے دو افراد ہلاک جبکہ ایک خاتوں سمیت افراد4 زخمی ہوگئے ہیں۔پولیس کے مطابق گارڈن عثمان آباد میں نامعلوم افراد نے فائرنگ کر کے دو افراد کو ہلاک کر دیا جبکہ فائرنگ سے ایک راہ گیر خاتون زخمی ہو گئی۔ جاں بحق افراد کو ضابطہ کی کارروائی کے لئے سول اسپتال منتقل کیا گیا ہے جبکہ زخمی خاتون کو سول اسپتال میں طبی امداد دی جا رہی ہے۔سنی تحریک کے ترجمان کے مطابق گارڈن میں شرپسندوں کی فائرنگ سے جاں بحق سہیل قادری اور سلیم قادری سنی تحریک کے کارکن تھے۔ فائرنگ کے ایک اور واقع میں تین افرادزخمی ہوئے ہیں جنہیں سول اسپتال منتقل کیا گیا ہے۔ فائرنگ کے واقع کے بعد سے گارڈن کے مختلف علاقوں میں صورت حال کشیدہ ہے۔
مزید خبریں :
