12 جنوری ، 2012 
رنبیر کپور، کشور کمار کی زندگی پر بننے والی فلم میں جلوہ گر ہوں گے
12 جنوری ، 2012
ممبئی…این جی ٹی…بالی وڈاسٹار رنبیر کپوراپنی ہٹ فلم راک اسٹار میں عمدہ پر فارمنس پیش کر کے نا صرف اپنی شخصیت سے لوربوائے کی چھاپ ہٹا نے میں کامیاب ہو گئے ہیں بلکہ اب انھیں ایک بار پھر سنجیدہ کردار میں کا سٹ کر لیا گیا ہے ۔ ہدایت کار انوراگ باسو گلوکا ر کشور کمار کی زندگی پر فلم بنا رہے ہیں جس میں انھوں نے رنبیر کپو ر کو کشور کما ر کے کر دار کے لیے منتخب کر لیا ہے ۔رنبیر کپور نے فلم کی کہانی پڑھنے کے بعد فلم میں کام کرنے پر رضا مندی ظاہر کردی ہے جبکہ دوسری جانب کشور کمار کے اہل ِ خانہ نے بھی فلم راک اسٹار میں رنبیر کی عمدہ پر فارمنس کو دیکھنے کے بعد ان کے انتخاب کو درست قرار دے دیاہے ۔فلم کے ہدیت کار نوراگ باسو کے مطابق اس فلم کی شوٹنگ کا آغاز اس سال کے آخر میں کر دیا جائے گا۔
