میزان بینک نے ملک میں چھوٹے اور درمیانے درجے کی آٹو پارٹس بنانے والی صنعت کو مالی امداد فراہم کرنے کی غرض سے ملت ٹریکٹرز اور کارانداز پاکستان کے ساتھ شراکت داری کے معاہدے پر دستخط کر دئیے۔

ایک اعلامیہ کے مطابق یہ سہ فریقی شراکت داری میزان بینک اور کارانداز پاکستان کے طرف سے حال ہی میں شروع کی جانے والی 50 ملین ڈالر کارپوریٹ وینڈر اینڈ ڈسٹری بیوٹر پروگرام کا حصہ ہے۔

اس سرمایہ کاری اور توسیع ورکنگ کیپیٹل فنانسنگ موقع کے ذریعے ملت ٹریکٹرز کی سپلائی چین اور ڈسٹری بیوشن کے بڑھنے میں مدد ملے گی۔

معاہدے پر ملت ٹریکٹرز کے چیف ایگزیکٹو آفیسر سید محمد عرفان عقیل، میزان بینک کے ڈپٹی چیف ایگزیکٹو آفیسر عار ف الاسلام اور کارانداز پاکستان کے چیف ایگزیکٹو آفیسر علی سرفراز حسین نے دستخط کئے۔

اس موقع پر تینوں کمپنیوں کے سینیئر نمائندے بھی موجودتھے۔ معاہدے کے مطابق میزان بینک، ملت ٹریکٹر زاور کارانداز پاکستان کے ساتھ ملکر ترقی کی صلاحیت رکھنے والے، اچھی آپریٹنگ اور کریڈٹ ہسٹری رکھنے والے وینڈرز کی نشاندہی کرکے ان کو براہِ راست قرضے فراہم کرسکیں گے۔