پاکستان
25 جولائی ، 2016
25 جولائی ، 2016 
بلوچستان :کوئلے کی کان میں دب کر 3مزدور جاں بحق
25 جولائی ، 2016
بلوچستان کے ضلع ہرنائی کوئلہ کان میں مٹی کا تودہ گرنے سے 3 کان کن جاں بحق ہوگئے ہیں۔
لیویز ذرائع کے مطابق ہرنائی کے علاقے شاہرگ میں مقامی کان کے ما لک کی کان میں کوئلہ کان کے مزدور کام کر رہے تھے کہ اچانک کان بیٹھ گئی، جس سے مٹی کا تودہ گرا اور کام کرنے والے 3 کان کن اس کے نیچے دب گئے۔
لیویز ذرائع کے مطابق واقعہ کی اطلاع پر مقامی آبادی اور انتظامیہ نے کان کنوں کو نکالنے کی کوشش کی، تاہم ایک گھنٹے بعد جب ان کو نکالا گیا تو وہ تینوں کان کن جاں بحق ہو چکے تھے، مزید کارروائی متعلقہ انتظامیہ کر رہی ہے۔
