05 اگست ، 2016 
چاہتے ہیں پاکستان و بھارت دہشتگردی کیخلاف تعاون کریں، امریکا
05 اگست ، 2016
امریکی محکمہ خا رجہ کا کہنا ہے کہ امریکا چاہتا ہے کہ دہشت گردی کے خلاف پاکستان اوربھارت تعاون کریں، پاکستان اُن گروپوں کےخلاف بھی کارروائی کرے جو ہمسایہ ممالک پرحملوں میں ملوث ہیں اور خود پاکستان کے لیے خطرہ نہیں۔
ترجمان محکمہ خا رجہ مارک ٹونر نے بریفنگ میں کہا کہ دہشت گردی دونوں ممالک کے لیے ایک حقیقی خطرہ ہے، دہشت گردی سے نمٹنے کے لیے دونوں کو ملک کر کام کرنے کی ضرورت ہے، ہم ہمیشہ اس کی حوصلہ افزائی کرتے رہے ہیں۔
پاکستان، چین، افغانستان، تاجکستان کی فوجی قیادت کے اجلاس کے حوالے سے مارک ٹونر کا کہنا تھا کہ چین کی جانب سے اس معاملے کو آگے بڑھانا خوش آئند اور مثبت عمل ہے اور امریکا اسے تعمیری سمجھتا ہے ۔
انہوں نے کہا کہ خطے کے یہ ممالک دہشت گردی سے متاثر ہیں اسی لیے امریکا چین کی ان کوششوں کو منفی انداز میں نہیں دیکھتا بلکہ اسے ایک مثبت قدم قرار دیتا ہے ۔
