پاکستان
08 اگست ، 2016
08 اگست ، 2016 
دشمن کی سازش کو حوصلے سے ناکام بنانا ہوگا،کمانڈر سدرن کمانڈ
08 اگست ، 2016
کمانڈر سدرن کمانڈ لیفٹیننٹ جنرل عامر ریاض نے دھماکے کے بعد سول اسپتال کوئٹہ کا دورہ کیا اور سوگوار وکیلوں کو تسلی دیتے ہوئے کہا کہ اپنے حوصلے سے دشمن کی سازش ناکام بنانی ہوگی ،بہت مشکل وقت ہے،اسے حوصلے کے ساتھ برداشت کرنا ہے۔
لیفٹیننٹ جنرل عامر ریاض نےسول اسپتال میں زخمیوں کی عیادت کی اور اپنے ساتھیوں کی شہادت پر غمزدہ وکلاء سے غمگساری بھی کی ۔ انہوں نے کہا کہ دشمن بہت بزدل ہے،اسےہرصورت شکست دیںگے، معصوم شہریوں کو نشانہ بناناقابل افسوس ہے۔
کمانڈر سدرن کمانڈ نے سول اسپتال انتظامیہ کو شدید زخمیوں کو سی ایم ایچ منتقل کرنے کی پیشکش کی ۔اس موقع پر ایک وکیل نے لیفٹیننٹ جنرل عامر ریاض کو واقعہ کے بارے میں تفصیلات سے آگاہ کیا ۔
