پاکستان
05 ستمبر ، 2016
05 ستمبر ، 2016 
اسکول مالک فیسیں بٹور کر فرار ،بچے تھانے پہنچ گئے
05 ستمبر ، 2016
لاہورکےعلاقےاسلام پورہ میں ایک نجی اسکول کامالک فیسیں لےکراور اسکول بند کرکےفرار ہو گیا،اسکول کے ننھے منے طالب علم بستے اٹھائے والدین کے ہمراہ پولیس اسٹیشن پہنچ گئے۔
اسلام پورہ کےمکینوں نےبتایاکہ ذیشان حیدراوراس کے بھائی ریحان حیدر نے ایک سال پہلےنجی اسکول کھولا،چندروزپہلے بچوں کواسکول کی مرمت کاکہہ کر چھٹیاں دےدی گئیں۔
آج صبح بچے بیگ اٹھائےوالدین کےہمراہ سکول پہنچے تووہاں تالا پڑا تھا،والدین اور بچوں نےوہاں احتجاج کیااور بعد میں والدین اوربچےبیگ اٹھائےتھانےپہنچ گئے۔
والدین نےالزام عائدکیاکہ اسکول مالک نے ان سے فیسیں بٹورکر اسکول بند کردیاہے،پولیس کاکہنا ہے کہ صورتحال کا جائزہ لےرہےہیں،قانون کےمطابق کارروائی کی جائے گی۔
