28 ستمبر ، 2016 
سابق اسرائیلی صدر شمعون پیریز چل بسے
28 ستمبر ، 2016
اسرائیلی میڈیا کے مطابق سابق صدر شمعون پیریز کو 2 ہفتے قبل فالج کے باعث تل ابیب کے ایک اسپتال میں داخل کرایا گیا تھا، علاج کے دوران ان کی صحت میں بہتری آئی تھی، تاہم منگل کوان کی طبیعت اچانک بگڑ گئی ، ان کی عمر 93 برس تھی۔
شمعون پیریز 2007ء سے2014 ء تک اسرائیل کے صدر رہے،2 مرتبہ وزیراعظم اور 2 مرتبہ نگراں وزیراعظم کے منصب پر بھی فائز رہے، وہ پہلی دفعہ 1959 میں اسرائیلی کابینہ کے رکن منتخب ہوئےتھے، اپنی 66 سالہ سیاسی زندگی میں وہ 12 مرتبہ کابینہ کا حصہ بنے۔
آزاد فلسطینی ریاست کے قیام سے متعلق اوسلو معاہدے میں اہم کردار پر 1994 میں شمون پیریزکو اسرائیلی وزیراعظم اسحاق رابن اور فلسطینی رہنما یاسر عرفات کے ساتھ مشترکہ طور پر امن کا نوبیل انعام بھی دیا گیاتھا ۔
مزید خبریں :
