06 نومبر ، 2016
بھارت میں پاکستانی ہائی کمشنر عبدالباسط نے گزشتہ شب نئی دہلی میں ہندوؤں کے مذہبی تہوار دیوالی کی تقریب میں شرکت کی ہے۔
بھارتی میڈیا کے مطابق اس تقریب کا اہتمام بھارتی سیکرٹری خارجہ جے شنکر نے کیا تھا، اس تقریب میں بھارت میں امریکی سفیر ، بھارتی آرمی چیف دلبیر سنگھ، قومی سلامتی کے بھارتی مشیر اجیت دوول اور دیگر نے بھی شرکت کی۔
اڑی واقعے کے بعد بھارت نے پاکستان پر الزام لگایا تھا، جس کے بعد دونوں ملکوں کے تعلقات کشیدہ ہیں، اس کے باوجود پاکستان نے امرتسر میں اگلے ماہ ہونے والی ہارٹ آف ایشیا کانفرنس میں شرکت کی یقین دہانی کرائی ہے۔