12 نومبر ، 2016 
کراچی: زمینوں کی غیر قانونی الاٹمنٹ ریفرنس کی سماعت
12 نومبر ، 2016
کراچی کی احتساب عدالت میں زمینوں کی غیر قانونی الاٹمنٹ کے ریفرنس کی سماعت میں ملزمان کے وکلاء نے فرد جرم مؤخر کرنے کی درخواست دائر کردی ۔
کراچی کی احتساب عدالت میں زمینوں کی غیر قانونی الاٹمنٹ ریفرنس کی سماعت میں ملزمان کے وکلاء کی جانب سے متفرق درخواست دائر کی گئی،جن میں مؤقف اختیار کیا گیا ہے کہ ملزمان کو تمام دستاویزات ملنے تک فرد جرم عائد نہیں کی جاسکتی،فرد جرم عائد کرنے کا معاملہ مؤخر کیا جائے۔
عدالت نے نیب وکیل کو نوٹس جاری کردئیے۔مقدمے میں سابق ایڈمنسٹریٹر بلدیہ کراچی فاروق اختر فاروقی،ڈائریکٹر کے ڈی اے نجم الزمان،آفتاب میمن اور محمد سلیمان شیخ ملزمان ہیں اور ملزمان پر کلفٹن میں 350 ایکڑ اراضی غیر قانونی طور پر الاٹ کرنے کا الزام ہے۔
عدالت نے یفرنس کی مزید سماعت 28 نومبرتک ملتوی کردی ۔
مزید خبریں :
