17 دسمبر ، 2016 
چاغی: قومی شاہراہ پر بس اور ٹرالر میں تصادم، 7 افراد جاں بحق
17 دسمبر ، 2016
چاغی کے قریب قومی شاہراہ پر تیز رفتار مسافر بس مخالف سمت سے آنے والے ٹرالر سے ٹکرا گئی ،حادثے میں 7افراد جاں بحق اور 8زخمی ہوئے ہیں ،زخمیوں کو کوئٹہ منتقل کیا جارہا ہے ۔
کوئٹہ تفتان قومی شاہراہ گھٹ سٹ کے مقام پرکوئٹہ سے تفتان جانے والی مسافر بس تیز رفتاری کے باعث مخالف سمت سے آنے والے ٹرالر سے ٹکرا گئی ، حادثے میں 7مسافر موقع پر ہی جاں بحق اور 8افراد زخمی ہوگئے ہیں ،دور دراز کا علاقہ ہونے کی وجہ سے امدادی ٹیموں کو جائے حادثہ پہنچنے میں دیرہوئی ۔
زخمیوں کو دالبندین کے اسپتال لےجایاگیا جہاں ابتدائی طبی امداد کے بعد کوئٹہ کے اسپتال منتقل کیاجارہا ہے 4زخمیوں کی حالت تشویش ناک ہے۔حادثے کے بعد بس اور ٹرالر میں آگ لگ گئی جس پر قابو پالیاگیا ہے ۔
لیویز نے واقعہ کی تحقیقات شروع کردی ہیں ۔
مزید خبریں :
