20 دسمبر ، 2016 
حب ڈیم کینال میں شگاف ،کراچی کو پانی کی فراہمی معطل
20 دسمبر ، 2016
سلیمان سعادت...کراچی کو پانی فراہم کرنے والے حب ڈیم کی کینال میں شگاف پڑنے سے شہر کو پانی کی فراہمی معطل ہوگئی، 2 کروڑ گیلن پانی فراہم نہ کیا جاسکا۔
کراچی کو پانی فراہم کرنے والے دوسرے بڑے ذریعے حب ڈ یم کی کینال میں شگاف پڑ گیا اور کینال جگہ جگہ سے ٹوٹ پھوٹ کا شکار ہوگئی جس سے کراچی کو پانی کی فراہمی معطل ہوگئی۔
ذرائع نے بتایا ہے کہ رات گئے کینال کے مختلف حصے متاثر ہوئے تاہم وجہ معلوم نہ ہوسکی۔
دوسری جانب ترجمان کراچی واٹر بورڈ کا کہنا ہے کہ 2 کروڑ گیلن پانی کی فراہم رکی ہے اور اگلے 48 گھنٹوں میں کام مکمل کرلیا جائے گا جس کے لئے ٹیمیں پہنچ چکی ہیں۔
کراچی کو یومیہ 8 سے دس کروڑ گیلن پانی فراہم کرنے والے اس ڈیم سے سب سے زیادہ پانی ضلع غربی کے علاقوں کو فراہم کیا جاتا تھا جو اب ممکن نہیں ہوسکے گا۔
مزید خبریں :
