27 جنوری ، 2017 
کراچی سے پورے ملک کے مسائل حل ہو سکتے ہیں، مصطفیٰ کمال
27 جنوری ، 2017
پاک سرزمین پارٹی کے چیئرمین مصطفیٰ کمال کہتے ہیں کہ کراچی والوں میں اتنی طاقت ہے کہ یہاں سے پورے ملک کے مسائل حل ہوسکتے ہیں۔
پاک سر زمین پارٹی کے تحت نارتھ کراچی فور کے چورنگی سے تبت سینٹر تک ریلی نکالی گئی، ریلی میں خواتین، بچوں، نوجوانوں اور بزرگوں نے شرکت کی۔
ریلی سے خطاب میں پاک سرزمین پارٹی کے چیئرمین مصطفیٰ کمال کاکہنا تھا کہ یہ سیاہ رات ختم ہوگئی اور کراچی میں نیا سویرا شروع ہورہا ہے جس کی روشنی پورے پاکستان میں پھیلے گی۔
انہوں نے کہا ہے کہ آج اس کاروان سے ان لوگوں کو بھی دعوت دیتا ہوں جو فائدے اور نقصان کا سوچ رہے ہیں،اللہ تعالیٰ نے لوگوں کو عبرت کا نشان بنا دیا ہے،آج کا قافلہ پاکستان کے ایک ایک بچے کو انصاف ملنے تک جاری رہے گا۔
مصطفیٰ کمال کا کہنا تھاکہ وطن پرست لوگوں کا را کا ایجنٹ بنانے والوں کو منہ توڑ جواب مل گیا ہے اور یہ قوم اپنی بقا کی جنگ لڑرہی ہے۔
مزید خبریں :
