28 جنوری ، 2017 
کسان کا پیکیج پٹواری کھاگئے، چوہدری پرویز الٰہی
28 جنوری ، 2017
مسلم لیگ ق کے مرکزی رہنما چوہدری پرویز الٰہی نے کہا ہے کہ کسان کا پیکیج پٹواری کھاگئے، نواز شریف اور شہباز شریف نے حکومت میں رہتے ہوئے کیا کیا، اورنج لائن منصوبے سے ڈالر بنا رہے ہیں۔
گوجرانوالہ میں ورکرز کنونشن سے خطاب میں چوہدری پرویز الٰہی نے کہا کہ میرے نام کی تختی دیکھ کر شہباز شریف کا بلڈ پریشر بڑھ جاتا ہے، وزیرآباد میں کارڈیا لوجی اسپتال بنایا تھا، جہاں میرے نام کی تختی دیکھ کر ان کو بلڈ پریشر ہوگیا، اسپتالوں میں اب ڈاکٹر بھی کہتے ہیں کہ اپنا بستر اور دوا ساتھ لائیں،تم تختی اتار لو، میری تختی عوام کے دلوں میں لگی ہوئی ہے۔
ان کا مزید کہنا تھا کہ آئندہ الیکشن میں ن لیگ سے بچ کر رہنا،تمام سیاسی جماعتیں متحد ہوکر نکلیں تو پھر دیکھیں ن لیگ کیسے بھاگتی ہے۔
چوہدری پرویز الٰہی کا کہنا تھا کہ جس طرح عوام نے بارشوں کے لیے گڑگڑا کراجتماعی دعا کی، حکومت سے نجات کیلئے بھی دعا کریں،ان سے جان چھوٹے گی تو ملک ترقی کرے گا۔
مزید خبریں :
