معروف بالی وڈ ہدایت کار سنجے لیلا بھنسالی نے جے پور میں اپنی فلم کی شوٹنگ کینسل کر دی ہے، بھارتی میڈیا کے مطابق شوٹنگ کی منسوخی کے بعد فلم کا کریو ممبئی واپس چلا گیا ہے۔

گزشتہ روزفلم ’پدماوتی‘ کی شوٹنگ کےدوران انتہاپسندوں نے سنجے لیلا پرتشدد کیاتھا ۔

دوسری جانب گزشتہ روز جے پور میں پدماوتی فلم کی شوٹنگ کے دوران معروف بالی ووڈ ہدایتکار سنجے لیلا بھنسالی پر ہونے والے تشدد کی بالی ووڈ اسٹار ز نے شدید مذمت کی ہے۔

اداکارہ دپیکاپڈوکون نے کہا ہے کہ شوٹنگ کےدوران مارپیٹ، توڑپھوڑکرنا بہت افسوسناک ہے۔

اداکارشاہدکپورنے اس پر تشدد کارروائی کو ناقابل قبول قراردیا ہے۔

سوشل میڈ یا پر جاری کیے گئے پیغام میں فلمساز مہیش بھٹ کا کہنا تھا کہ کسی کو مار کر آپ اس کی سوچ کو نہیں ہرا سکتے۔

بالی ووڈ اداکارشی کپور کا کہنا تھا کہ حقیقت جانے بغیر کوئی کس طرح قانون اپنے ہاتھ میں لے سکتا ہے۔

پریانکا چوپڑا، فرحان اختر، انوراگ کیشپ، شبانہ اعظمی، کرن جوہر، ہریتک روشن، بومن ایرانی اورعالیہ بھٹ سمیت کئی بالی ووڈ اداکاروں نے بھی اس عمل کی مذمت کی ہے۔