29 جون ، 2012 
پاکستان نے تاحال مزید قرض کیلئے درخواست نہیں دی، آئی ایم ایف
29 جون ، 2012
واشنگٹن … تین ماہ کے درآمد ی بل سے کم زرمبادلہ کے ذخائر رہنے کے باوجود عالمی مالیاتی ادارے کا کہنا ہے کہ پاکستان نے آئی ایم ایف سے اب تک مزید کسی نئے قرضے کی درخواست نہیں کی۔ واشنگٹن میں صحافیوں سے بات کرتے ہوئے آئی ایم ایف کے ڈائریکٹر برائے تعلقات جیری رائس سے جب صحافی نے سوال پوچھا کہ کیا آئی ایم ایف پاکستان کو نیا قرضہ اس وقت تک نہیں دے گا جب تک اس میں امریکی رضا مندی شامل نہ ہو؟ تو اس پر جیری رائس کا کہناتھا کہ پاکستان نے اب تک کسی قرضے کی درخواست نہیں کی ہے جبکہ آئی ایم ایف کے حکام پاکستان کے ساتھ رابطے میں رہتے ہیں۔ پاکستان نے سال 2008ء میں بین الاقوامی ادائیگیوں کے دباوٴ کے باعث آئی ایم ایف سے 7 ارب ڈالر سے زائد کا قرضہ حاصل کیا تھا جبکہ رواں سال بھی جاری کھاتوں کا خسارہ 4 ارب ڈالر کے قریب پہنچنے سے زرمبادلہ کے ذخائر 26 ماہ کی کم ترین سطح 15 ارب ڈالر سے بھی نیچے آگئے ہیں۔
مزید خبریں :
پاکستان نے چین سے مزید 10 ارب یوان کی درخواست کر دی
9 گھنٹے پہلے
9 ماہ میں بجلی کی تقسیم کار کمپنیوں نے 143 ارب روپے کا نقصان کیا
26 اپریل ، 2025
سونے کی قیمت مزید کم ہوگئی
25 اپریل ، 2025
سونے کی فی تولہ قیمت میں کئی ہزار روپے کی کمی
23 اپریل ، 2025
بے نامی اتھارٹی گزشتہ 11 ماہ سے غیر فعال ہونے کا انکشاف
23 اپریل ، 2025
