ویسٹ انڈیزنے پاکستان کوتیسرے ٹی20 میچ میں 7وکٹ سےشکست دےدی،ویسٹ انڈیز نے 138رنز کا ہدف15 ویں اوورمیں حاصل کرلیا۔

ویسٹ انڈیزکی جانب سےایون لیوس نے91رنزکی اننگزکھیلی اور وہ مین آف دی میچ رہے، ایوان لیوس نے 51 گیندوں پر 91 رنز بنائے ، جس میں 9 چھکے اور 5 چوکےشامل تھےجبکہ سیموئل نے 18اور جیسن محمد نے 17 رنز بنائے۔

پاکستان کی جانب سےوہاب،شاداب اورسہیل تنویر نےایک ایک وکٹ حاصل کی۔

چار ٹی 20 کی سیریز میں پاکستان کو 2-1 کی برتری حاصل ہے۔سیریز کا آخری ٹی 20 میچ اتوارکو کھیلاجائےگا

قبل ازیں کوئینز پارک اوول، پورٹ آف اسپین میں کھیلے جانے والے تیسرے ٹی ٹوئنٹی میچ میں پاکستان نے ویسٹ انڈیز کے خلاف ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں ویسٹ انڈیز کو 138رنز کا ہدف دیاتھا۔

پاکستان کی جانب سے نمایاں اسکور کرنے والوں میں کامران اکمل نے سب سے زیادہ 48 جبکہ بابر اعظم نے 43 رنز بنائے۔

ویسٹ انڈیز کی جانب سے سنیل بدری نے 2 جبکہ ولیم، بریتھ ویٹ، نارائن اور سیموئل نے ایک ایک کھلاڑی کو آؤٹ کیا۔