23 مئی ، 2017 
مانچسٹر سانحہ دہشتگردی کا ہولناک و قابل مذمت واقعہ ہے، ٹریزامے
23 مئی ، 2017
برطانوی وزیر اعظم ٹریزامے نے مانچسٹر دھماکے کی مذمت کی ہے۔ انہوں نے کہا کہ مانچسٹر سانحہ دہشت گردی کا ہولناک اور قابل مذمت واقعہ ہے۔
ٹیریزا مے نے کہا کہ مانچسٹر ارینا واقعہ کی تمام تفصیلات جاننے کے لیے تفتیش جاری ہے، تاہم پولیس واقعے کو دہشت گردی کے واقعہ کے طور پر دیکھ رہی ہے۔
برطانوی وزیر اعظم نے جاں بحق افراد کے لواحقین اور زخمیوں کے ساتھ اظہار ہمدری بھی کیا ہے۔ ذائع کہتے ہیں کہ مانچسٹر دھماکے کے بعد برطانوی کنزرویٹو پارٹی نے انتخابی مہم معطل کر دی ، جبکہ برطانیہ میں عام انتخابات 8 جون کو ہونگے ۔
واضح رہے کہ برطانوی وزیر اعظم کا یہ بیان مانچسٹر ایرینا میں ہونے والے سانحے کے بعد سامنے آیا ہے۔
مانچسٹر ایرینا پورے یورپ کا سب سے بڑاان ڈور ایرینا ہے، جس میں 21 ہزار تماشائیوں کی گنجائش موجود ہے۔دھماکے کے وقت 15 ہزار سے زائد افراد اس ان ڈور ایرینا میں موجود تھے ۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
دنیا کا سب سے لمبا جانور خطرے سے دوچار نسل کی فہرست میں شامل
24 نومبر ، 2024
