13 جنوری ، 2012 
بالی ووڈ اداکار عمران خان کی 29ویں سالگرہ
13 جنوری ، 2012
ممبئی…این جی ٹی…بالی ووڈ کے اُبھرتے ہوئے اداکار عمران خان آج 13جنوری کو اپنی29ویں سالگرہ منا رہے ہیں۔13جنوری1983کو امریکی ریاستWinconsinمیں پیدا ہونے والے عمران نے بالی ووڈ میں قدم ایک چائلڈ اسٹار کی حیثیت سے رکھا اور فلم "قیامت سے قیامت تک" اور "جو جیتا وہی سکندر "میں اپنی اداکاری کے جوہر دکھائے۔تاہم بالی ووڈ میں ایک ہیرو کی حیثیت سے ان کی پہلی فلم"جانے تو یا جانے نہ"نے انہیں شہرت کی بلندیوں پر پہنچا دیا۔ بالی ووڈ کے مسٹر پرفیکٹ عامرخان کے بھانجے عمران اب تک لک،کڈنیپ،آئی ہیٹ لو اسٹوری،بریک کے بعددہلی بیلی اور میرے براد کی دلہن میں کام کرتے ہوئے اپنی اداکارانہ صلاحیتوں کا لوہا منوانے میں کامیاب ہوچکے ہیں۔عمران خان کی آنے والی فلموں میں تیری میری پسند اور مترو کی بجلی کا منڈولا شامل ہیں جبکہ ہدایتکارکرن جوہر کے ساتھ ان کی نئی فلم ایک میں اور ایک تو 10فروری کو سینما گھروں کی زینت بنائی جائے گی۔
